文章

顯示從 五月, 2006 起發佈的文章

自然小品

圖片
試由電腦直接 post 相去 blogger, 無留意改左添, 以前不可以直接 post 相, 要用 hello 或者其他方法要post 幾張時就好煩, 另, 有無朋友教我加 日曆係 blog 度 ar ??? 好多其他 blog 都預設有了
仲想加 d 網頁統計資料 ..... ( 另一方面睇, blogger 又自由好多, 其他 blog 無得改 html XD )

我真係有 D 想轉去第二度既 blog, blogger 好多野都無, 要自己加 / EDIT
對於我呢 D 唔識 html 既人, 好煩. 我 apply 左 yahoo 既 blog, 睇下可以頂到 blogger 幾時, 頂唔到就轉了 XDDDDD

退一步

圖片
退一步, 海闊天空, 但又有幾多人會有呢種嘗試呢 ?
退一步, 天地可能完全不同, 但個個都希望爭在最前,
但退一步, 可以見到的, 只會比企在最前的多, 比企在最前的特別 ....

萬花筒的啟示

圖片
同樣的物料 ( 或者引伸在攝影上等於同様的題材 ), 同樣的玩法, 但萬花筒就可以變出沒有一樣的景像, 沒有重覆的.
固有的規範內, 固有的題材上, 如何可以變出不一樣的結果呢 ? 真是考人 ...






住在香港。影在香港。記錄香港

圖片
1. 我住在香港
2. 我在香港玩攝影
3. 理所當然地要記錄香港一切
身邊的你我他事, 因為香港變化得太利害, 有時會變得不重要, 但今天的不重要事, 可能明天會變作有趣事. 所以我一向也抱著一個宗旨, 今日的相片, 明日的歷史.
不用理會眼前的事重不重要, 自己覺得有趣或有意思, 就應用相機拍下, 用影像記錄下來, 明天可能會變成重要的歷史.


狗眼的視角

圖片
用狗眼呢個詞語, 不是要貶低攝影者的意圖, 而是指, 用另一個角度看這個世界, 例如用狗眼的視平高度來看世界, ,會是怎樣呢, 用蟻的視野角度看這世界又是如何呢 ?? 飛烏的角度又有怎樣變化 ...
正常的人, 好直接, 會用番正常人眼視平拍攝, 這一類的視角, 可以拍出貼近人類的慣性, 用來平鋪直述一些簡單故事最適合, 但會缺乏驚喜, 作為一個藝術創作者, 視野應該同平常人不同, 會以不同的角度看這個世界, 認識這個世界, 先可以做出與別不同的作品, 帶給人驚喜 ...


澳門與香港 ...

圖片
如果去澳門影相, 唔識路, 第一件事當然去碼頭拎番張地圖, 但原來澳門旅遊局, 已出版了 PALM, POCKET PC 同埋某些電話的掌上地圖, 仲係唔使錢任人 DL, 呢 D 先係推動旅遊業既其中一樣方法, 令到旅客, 可以方便掌握到當地資料.
香港旅遊局, 講就話用左好多錢, 但都唔知用左係邊, 樣樣都要等人做左, 又或者做埋 D 無聊 SHOW 呢 D 方法. 應該諗下 D 以人為本既切身問題先成功
掌中澳™ PalmOS 2.01 版本 掌中澳™ Pocket PC 2.01 版本

長洲,我來啦

圖片
每年一度的長洲太平清醮又開始, 慣常地, 我都會早一日到長洲, 因為除正日飄色巡遊外, 還有其他上好題材可拍攝的, 反而正日的飄色巡遊, 興趣不大 ......
我抱著的宗旨, 是玩多過影的, 影到係緣, 影不到也是緣, 所以不用太強求 ~~
而長洲最差的, 可算是要住一些又貴又傳鬼的舊渡假屋, 近年, 聽說長洲有一些新建的, 類似 HOSTEL 之類的屋出租, 下年要試一試先 ~~~


陳跡前輩的香港記錄

圖片
香港歷史, 說長不長, 說短又不是太短, 尤其是過去的幾十年, 香港經濟起飛, 轉變太快, 很多東西, 都很快地消失眼前, 很多還是不知不覺間消失.
可能自己年紀大, 還有些記少憶留下, 如制水啦, 雞寮山泥傾瀉等等. 但香港地方的記憶, 就很少, 因為自少家貧, 基本上, 生活圈子, 只圍繞所住的區域而知, 從沒有去圈子外的地方, 只是每年的農曆新年, 爸爸媽媽才會帶我去親戚家裏拜年, 只有這些機會, 才可以看到香港社會是怎樣 ........
陳迹前輩的香港記錄, 可以從相片裏, 再見證幾十年前的香港面貎, 十分難得. 香港制水時期, 排水的情況是怎樣 ? 香港當年在天災下, 幾多人無家可歸, 我還記得年少時, 最鐘意與隔離鄰舍的小朋友, 在樓梯口一齊開帆布床睡覺, 因為家裏太少地方和太熱, 睡在樓梯口, 都算十分涼快. 記錄內也有這些相片, 真是難得的回憶, 而相片的用處, 正正發揮了它見證歷史的作用. 所以大家今天的相片, 會是未來的歷史來 .........








4 秒的影響

圖片
用手電連拍模式拍下 4 秒 4 張相片, 發覺在人來人往的鬧市中, 用 4 秒做一些東西, 是沒有人會理會你, 甚至乎對面前的一切, 絲毫沒有一丁點兒的影響.
用了人生的 4 秒換來 4 張沒有影響的相片